Nongstoiñ, Ïaïong 10: Ka Khasi Students’ Union (KSU) West khasi Hills District Unit lyngba ka Education Cell, ka pyntip sha baroh ki samla pule kiba hapoh jong ka West Khasi Hills bad na Eastern West Khasi Hills District, kiba wan Merit list ha ka result jong ka SSLC, HSSLC bad DEGREE ha ki Board bad ki University jong u snem 2022, ha ki tnad ki jingpule bapher bapher kiba hapoh jong ka jylla bad shabar jong ka jylla ruh, ba kan pynlong ïa ka jingpynkup burom kaba tip kum ka Maitshaphrang Excellence Award 2022.
Kumta ka KSU West Khasi Hills District Unit ka kyrpad ia baroh ki ba wan shakhmat ha ki Exam, ba kin sngewbha ban pynpoi ïa ki Marksheet ryngkat bad u phone Number ha ka Office jong ka Seng hapoh ka 31 tarik mynta u bnai. Ki lah ruh ban phah lyngba ka WhatsApp ha ki number 81320 94893, 7005487243, 8837412660, 878779518, lyngba ka ksueducationcell west khasihills @gmail.com. Kane ka long katkum ka kyrwoh na u Samla Banlumlang Nonglang Publicity Secretary Khasi Students’ Union West Khasi Hills District Unit.
