Da ka kynhun thymmai thaw u Bah Prestone ban pynkhlain ïa ka NPP shwa ka elekshon MP, MDC

Shillong, Naiwieng 09 : U President ba thymmai jong ka NPP ha ka jylla, Bah Prestone Tynsong ba dei ruh u Symbud Myntri Rangbah ka jylla ha ka sngi Palei u la phah ïa ka thup kyrteng jong ki nongkitkam ba thymmai (State Executive Committee) sha u National President, Conrad K Sangma na ka bynta ban pynkhlaiñ ïa ka party shwa ka elekshon MP bad MDC.
Katkum ka thup kyrteng, u Bah Prestone u la phah ïa ka kyrteng jong lai ngut ki working president, kata ïa u Myntri ka tnad PHE Marcuise N Marak, nangta u MLA ka Jowai Bah Wailadmiki Shylla bad u Mylliem barim ka Mylliem Bah Hamletson Dohling. Nalor kine ki don ruh lai ngut ki vice president ba kynthup ïa u Deputy Speaker ka Iing Dorbar Thawain ka jylla Timothy D Shira, Myntri ka sorkar jylla Comingone Ymbon bad u MLA ka Jirang, Bah Sosthenes Sohtun.
Katei ka thup kyrteng ka don ruh ïa ki 6 ngut ki general secretary kata u Dr. Charles Reuben Lyngdoh (in-charge Administration), Prof. Donkupar War (in-charge Organisation), Forward L Mawlong, Ian Botham K Sangma MLA, JD Sangma bad Abdus Saleh. La don ruh 21 ngut ki secretary ba kynthup ïa u Bah Samlin Malngiang, Kupar Blah, Mebanri Laloo, Dr David A. Kharchandy, Ransom Sutnga, Jason Sawkmie Mawlong, Teibor Pathaw, MDC (in-charge Media Cell), Auspicious L. Mawphlang, Kimfa Marbaniang, Emlang Lyttan, Embhahlang Syiemlieh, Raynold Kharkamni, Barfi Toi, Sengchim N. Sangma, MLA, Subir R.Marak, MLA, Charming N. Sangma, Aloysius Marak, Nidhuram Hajong, Limison D Sangma MLA, Rakesh A Sangma, MDC bad Crozier G Momin, MDC.
La jied ruh ïa u Bah Daniel Thangkhiew kum u nongpeit ïa ka pla tyngka jong ka party.
Nalorkine, la kdew ruh ba baroh ki MLA, Chairman, Deputy Chairman, CEM, Deputy CEM jong ki District Council, ki State President Women’s Wing, President Youth Wing kin long ki executive member katba u Babeth K Sangma bad Nihim D Shira kin long kum ki Adviser ka party.
Shuh shuh la pynbna ruh ba u MLA barim ka Mawsynram, Bah HM Shangpliang un dei u nongai ktien jong ka party.