Shillong, Naiwieng, 09: U MDC jong ka Mawlai Constituency u Bah Teiborlang Pathaw ryngkat lang bad ki nongïalam shnong ha ka sngi Palei ki la hiar jurip ïa ki artylli ki surok ïaid kali ba la siang rong, kawei kaba pynïasoh na ka shnong Mawlai Motsyiar sha Mawlai Umjaiur kaba jngai kumba 0.459 kilomitar bad kawei pat kaba pynïasoh ïa ka Riat Medi sha Mawlai Nongpdeng kaba jngai kumba 0.120 km kiba la mang pisa lyngba ka tnat PWD.
Ha ka jingïakren bad ki lad pathai khubor u Bah Teibor u la ïathuh ba ïa ka surok na Riat Medi sha Mawlai Nongpdeng ladep shna sa tang ban plie paidbah noh. Katba ïa ka surok kaba pynïasoh na Mawlai Motsyiar sha Mawlai Umjaiur u la ong ba na ka jingpynthut jong u slap bad ki contractor kin sdang noh ïa ka kam namar kat haduh mynta ladep ban shna kumba 70 percent eiei ïa ki Nala bad ïa ki kynroh bad kaba sah myhnta ka long sa tang ban siang ïa ka rong.
U la ong ba ïa kane ka surok la khmihlynti ban pyndep noh ha u Lber 2024 namarba kane ka dei ka surok kaba ki nongshong shnong ki la ap khmihlynti la kumba 40 snem eiei.
Kum ban shu pynkynmaw hangne ba ïa u mawnongrim ban shna ïa kine ki ar tylli ki surok la buh mawnongrim da u Symbud Myntri Rangbah ka Jylla Bah Prestone Tynsong ha ka 19 tarik, Nohprah, 2022.
