Da ka khusnam “5th U Woh Tep Kyndait Memorial Academic Award” yn sam ka KSU Wapung Unit

Jowai, K’Lyngkot 06: Ka Khasi Student Union (KSU) Wapung Unit kala pyntip ba kan pynlong ïa ka jingpynkup burom ïa ki samla pule jong ki hynriew tylli ki Area hapoh ka shnong bad ïa kane ka khusnam yn tip kum ka “5th U Woh Tep Kyndait Memorial Academic Award 2024”. Ïa kane ka prokram pynkum burom yn pynlong haka 17 tarik Kylla Lyngkot (January) ha Wapung Skur haka Wearing Memorial DCLP School haka por 11:00 baje mynstep. Na ka liang ka seng ka la kyntu ïa ki samla kiba la dep ban pynpoi ïa ki marksheet jong ki ba kin sngewbha ban don khnang ha katei ka sngi bad ka seng ka la kyrpad ïa ki kmie ki kpa ba kin ïa don ryngkat lang ha ka tei ka sngi Kane ka long katkum ka kyrwoh khubor bala phah da u ma Luckystar Rymbai, uba dei u Education Secretary ka KSU Wapung Unit ne phone: +918413805987.