Khliehriat Risaw 31 : Kum shi bynta ban rakhe ïa ka Rashtriya Ekta Diwas, ka ophis jong u Deputy Commissioner ka East Jaiñtia Hills District bad ka ophis jong ka District Sport Officer mynta ka sngi ki la pynlong ïa ka jingrakhe ïa ka Rashtriya Ekta Diwas da ka jing ïa mareh Run For Unity, ha kane ka jingïamareh la wan ban ïa shim bynta haduh palat 100 ngut, kynthup kynthei bad shynrang.
U Deputy Commissioner, u Abhilash Banarwal, IAS u la pyllait ïa ka lama ha shuwa ban sdang ka jingïamareh bad la sdang ïa kane ka jingïamareh na ophis ba rim u Deputy Commissioner sha Rymbai PHC bad phai biang pat sha ophis ba rim u Deputy Commissiner.
Hadien ba la kut ka jingïamareh, ka la don ka jinsam prize ïa kiba jop ha kaba u Deputy Commissioner bad ka District Sport Officer East Jaiñtia Hills District ka kong Stephanie. M. Rapsang ki la sam ïa ki prize.
Ha kane ka jingïamareh Run for Unity, na ka liang ki shynrang uba wan ba nyngkong u dei u bah Wandame Dkhar uba na ka shnong Jalyiah, u bah Kordor. S. Mannar uba na ka shnong Narwan u wan ba ar bad u bah Iakhut Dkhar uba na shnong Cham Cham, u la wan ba lai.
Na ka liang ki kynthei, ka kong Rosy Sana,ka la wan ba nyngkong, ka kong Lamsuk Phawa, ka wan ba ar bad ka kong Therisa Sana, ka la wan ba lai, baroh kine ki kynthei kiba jop ki dei na ka shnong Mukhaialong.
