Da 353 ron rem ka Meghalaya ha ka Uttarakhand

U-19 Cooch Behar Trophy

0

Shillong, Naiwieng 07 : Ka Meghalaya ka la rem ha ka Uttarakhand da ka innings bad 353 ron ha ka lympung ïalehkai U-19 Cooch Behar Trophy ha ka jingïalehkai hynne ka sngi Nyngkong ha Mangaldai, Assam.
Ka Meghalaya ka tied 96 ron ha ka inning kaba nyngkong ha kaba ka Uttarakhand ka la pynphai da 556/8. Ka Meghalaya ha ka jingkamai ba 50/2 ha ka sngi kaba ar bad ka la shah pynhap lut ki wicket da kaba kamai 107 ron ha ka inning kaba ar ha ka sngi Nyngkong.
U Avinash Rai u la tied shuh sa kawei ka six na bynta ban kamai 12 ron bad ka Meghalaya ka la duh noh sa ar wicket da kaba ieh ïa kiba shadien ha ka jingkamai da 71/8 bad hadien ka la shah pynhap lut baroh ki wicket hapoh ki 100 ron ha kaba u Banïalam Mylliemngap bad Gavineal Marpna ki la wan ban tied ïa katei ka ron.
Kitei ki arngut kiba la wan ban tied ki la kamai ron lang da 31 ron shwa ba u Banïalam Mylliemngap un hap wicket noh da kaba kamai 17 ron, katba u Gavineal Marpna (not out) u kamai 13 ron.
Ka Meghalaya kan sa ïakhun pat pyrshah ïa ka Himachal Pradesh kaban sdang naduh ka 12 tarik Naiwieng 2022.

Leave A Reply

Your email address will not be published.