SHILLONG, Lber 14: Ka Sporting CC ka la pynliem noh da 4 wiket ïa ka Langsning CC ha kawei na ki jingïalehkai jong ka lympung ‘Shillong Cricket League Super Division 2024-25 ba la pynlong da ka Shillong Cricket Association ha madan Polo, hynne ka sngi Thohdieng.
Ka jingïalehkai ka la sdang ha kaba ka Langsning ka la rai ban tied nyngkong hadien ba jop ïa ka jingkynting pisa (toss) bad ka la kamai 144 ron shuwa ban khyllem baroh 10 wiket haki 40 ober. U Bamanbha (28 ron naki 49 bol) bad u Aaron Nongrum (27 ron naki 33 bol) ki la long kiba kongsan ha ka tied. U Suraj Chettri (9 over: shah tied 24 ron) bad u Rohit Yadav (9 over: shah tied 24 ron) ki la khur mar 3 wiket.
Watla na ka liang jong u Aaron Nongrum (khur 2/24 naki 9 ober) bad u Ibit Thabah (2/1 naki 1 ober) ki la lehkai bha hynrei kim shym la lah satia ban khanglad ïa ka liang pyrshah ban poi sha ka thong, ha kaba ka Sporting ka la lah ban kynjoh ïa ka 148 ron ba ka donkam ban khyllem 6 wiket naki 36.4 ober.
U Avinash u la lamkhmat ha ka tied da kaba kamai 65 ron naki 109 bol, katba u Manish Sharma u la kamai 38 ron naki 45 bol kaba la ïarap ïa ka Sporting ban jop ïa ka jingïalehkai da 4 wiket. ïa ka nam Player of the Match la khur da u Manish Sharma uba la kamai 38 ron bad khur 2 wiket.
