Shillong, Nailar 29: Ka Voice of the People Party (VPP) ka la byrngem ban pynlong da ka jingïakhih ha surok halor ka jingkiew dor mi marbam mardih.
Kane ka long hadien ba u Speaker ka Meghalaya Legislative Assembly, u Thomas Sangma, um shymn la ailad ïa u MLA ka Nongkrem, u Bah Ardent Miller Basaïawmoit ban wanrah ka jingïatai hapoh Assembly mynta ka sngi lyngba ka Zero Hour Notice ne ka jingïatai marïakut ka Question Hour.
U Bah Ardent la ujor ha ka Chairperson kaba pynïaid ïa ka jingïashong dorbar ha katei ka por ba u la submit da ka Zero Hour Notice pynban ka ophis u Speaker ka la pynkylla tang kum ka Call Attention Notice.
U la kyntu ïa u Speakerba un ailad ban rah ïa kane ka mar lashai ka sngi lada ym ïoh mynta ka sngi. Hynrei u Speaker u la phah ïa u Myntri ka tnad Food and Civil Supply ban ai beit ïa ka jubab khlem jingïatai. Na ka liang u Bah Ardent u la ong ba um pdiang ïa kane, namar kadei ka mar ba hap ban ïatai namar ba ka katah ïa u paidbah baduk basukm u kup shiliang u sem shiliang. Haba u Speaker um shym la sngap, u MLA ka VPP, u la ong ba lada ki MLA kim ïoh ban ïatai ha ïingdorbar kim banse ban pynlong da ka jingïakhih sha madan.
