Bym don ba aireng, jop suk u Bah Lambok, Donald kum ki nongïalam KSU

0

Shillong, Ïaiong 23 : U Bah Lambokstarwell Marngar u la jop suk ïa ka shuki President jong ka Khasi Student’s Union (KSU) hadien ba ym shym la don satia kiban ïakhun pyrshah watla ka elekshon jied nongkitkam ba thymmai jong ka Seng la buh ba kan long ha ka 06tarik u Jymmang.
Ki arngut kiwei pat ki nongïalam ba hakhmat jong ka seng kiba la jop suk khlem don ba ïakhun ki kynthup ïa u Bah Donald V Thabah kum u General Secretary bad u Bah Biangbor L Paliar kum u Vice President.
Na ka liang ka Election Committee jong ka Seng ka la pynbna ba dei tang kitei ki lai ngut ki kyrtong kiba la jop suk hadien ba ka la dep ban bishar bniah ïa ki kot ki sla jong kitei ki kyrtong ha kane ka Sngi Saitjain.
Ka jingjied ia ki nongkitkam ba thymmai na ka bynta ka samoi treikam jong u snem 2023 – 2026 jong ka Seng kan long ha Dinam Hall Jaïaw ha ka 06tarik mynta u bnai na bynta kiwei pat ki kam kiba dang sah.
Lah ban kdew hangne ba ki don saw ngut ki kyrtong kiba ïakhun na bynta ka kam Assistant General Secretary, lai ngut na bynta ka shuki Organizing Secretary, 3 ngut na bynta ka kam Education Secretary, 5 ngut na bynta ka kam Information & Public Secretary, 3 ngut na bynta ka kam Office Secretary, 4 ngut na byntaq ka kam Sports & Cultural Secretary bad 8 ngut pat na ka bynta ka kam Environment Secretary.
Ia ka Election Committee la khlieh da u President barim ka KSU, Bah Danny M Khyriem kum u Chairman bad Bah Samuel Jyrwa kum u Secretary.

Leave A Reply

Your email address will not be published.