Bun tylli ki takma Ksiar bad Rupa khur ka Team Revolution na ka lympung ïakhun MMA ha Guwahati

0

Shillong, Nohprah 06 : Ka Team Revolution Mixed Martial Arts ka la ïoh ban khur haduh 10 tylli ki takma ksiar bad lai tylli ki takma Rupa ha ka lympung na ka jingïakhun Combat Sports Mixed Martial Arts kaba long ha Guwahati ïa kaba la pynïaid da ka Warriors Fighting Championship WFC Season -2.
Kiba khur ïa ka takma ksiar ki kynthup ïa u Kisan Bareh ha ka thup Pro MMA Feather Weight, nangta u Fivestar Bareh na ka thup Pro MMA Fly Weight, Juhpaujuh Nongtdu MMA Fly weight amature, Obadaiah Khelphung, MMA Strawweight amature, Eibiang Langstang MMA Amature Fly Weight, Fedrick Khongsit MMA Straw Weight, Shanlang Khongsit MMA Atom Weight bad Donbok Nongrum MMA ha ka thup kiba hapoh 15 snem.
U Mewanaibok Kharbuli ruh u la khur ïa ka takma ksiar ha ka thup ba hapoh 14 snem katba u Rayian Nongrum u la khur takma Ksiar ha ka thup kiba hapoh 10 snem.
Kiwei pat kiba khur takma Rupa ki kynthup ïa u Rachelstar Dkhar ba khur takma ha ka Straw Weight bad ruh u Gregory Sawian ba khur takma Rupa ha ka thup 52 Kg Straw Weight.
Ïa kane ka lympung la lalam da u Head Coach ka Team Revolution MMA Bah Sambirmi Lyngdoh bad Bah Ferdinand Suchiang. Ïa kane ka tournament la ïalam khmat da u head coach ka Team Revolution MMA U Bah Sambormi Lyngdoh bad Ferdinand Suchiang.

Leave A Reply

Your email address will not be published.