Buhnoh kawei ka sngi ban phong da ka riam tynrai hapoh ïingdorbar thaw-aiñ, kyntu u MR ïa u Lamphang

Shillong, Nailar 24 : U Myntri Rangbah ka Jylla, Conrad K Sangm ha ka sngi Nyngkong mar ïa mih na ka Dorbar Synrai jong ka Iing Dorbar Thawaiñ ka Jylla, u la pyni ba u phong da ka sopti kaba thain na u ksai ryndia hapoh ka jylla hi.
“Kane ka sopti ba nga phong mynta ka sngi kadei kaba thain da u ksai ryndia. Kumta nga kyrpad ïa baroh ban pynshlur ban pyndonkam da ki jain ba pynmih bad thaiñ da ki briew jongngi,” u la ong.
Ha kajuh ka por, u Myntri Rangbah u la ïathuh ba u la dep ban ai jingmut ïa u Lamphang ka Iing Dorbar ban don noh kyrpang da kawei ka sngi ba baroh ki dkhot jong ka Iing Dorbar kin phong da ki riam tynrai lane ki riam ba pynmih hi da ka jylla.
“Nga la kren bad u Lamphang ba ngi dei ban don kawei ka sngi ha ka taiew ba kyrpang na bynta baroh ki dkhot ban phong riam da ka riam tynrai. Kan lah ban long kano kano ka riam tynrai, hynrei ka dei ban long ka riam tynrai ha kato ka sngi ba la buh. Kumta kan long kaba itynnad bha bad ka Iing Dorbar ruh kan i shongkun bha bad ka dei ruh kawei ka lad ban pynshlur ïa ka jingithuh bad ka jingpynkhlaiñ ïa ka kolshor jong ngi,” u la ong haba kren bad ki lad pathai khubor.