Nongpoh, Ïaiong 18: Ka ophis u Deputy Comiisioner ka Ri-Bhoi District kala pynmih ïaka hukum ba baroh ki nongioh khaw rashon hapoh ka National Food Security Act (NFSA) ki dei ban pyndep ïaka e-KYC (elecronic-Know Your Customer) kynthup ïa kito ki longiing kiba hap haka Antyodaya Anna Yojana (AAY) bad Priority Household (PHH) categories.
Kane ka jingbthah kala mih naka jingïalang kaba la long haka 19 tarik Nohprah 2025 ha ophis u Commissioner and Secretary, Food Civil Supplies & Consumer Affairs Department, jong ka sorkar Meghalaya bad ha kane ka jingïalang la rai ba ka jingpyndep ïaka e-KYC ka long kaba donkam ïa baroh naka bynta ban jingsam khaw kaba khuid, ka jingithuh ïaki nongioh jingmyntoi hapoh ka Public Distribution System (PDS).
Na ka liang ka ophis u Deputy Commissioner kala lap ruh ba bun naki longiing kim pat pyndep ne leh ïaka e-KYC ha kaba kila pyntip ba kito ki bym leh ki lah ban duh ïaka jingmyntoi bad u khaw rashon.
