Shillong, Ïaiong 19 : Ka Dorbar Pyllun jong ka Dorbar Shnong Mission Compound, Shillong -2 kaba long ha ka 21tarik Lber, 2026 ha Dorbar Hall Mission Compound, da kawei ka sur ki la jied ïa u Rangbah Shnong bad ki Nongkitkam Shnong na ka bynta ka samoi treikam kaba lai snem.
Kine ki nongkitkam shnong ba thymmai ki kynthup ïa u Bah Tomley Moore Rumnong kum u Rangbah Shnong, Bah Tawny B War kum u Assistant Rangbah Shnong bad u Prof. Don Kupar War kum u General Secretary. Nangta la jied ruh ar ngut ki Assistant Secretary ba kynthup ïa u Bah Lanangshngain Pamthied bad Bah Lumkurlang Paswet.
La jied ruh ïa u Bah Theo Philos Passah kum u Treasurer bad Bah Khraw Kupar Paswet kum u Assistant Treasurer.
Kane ka long katkum ka kyrwoh ba la phah da u General Secretary Dorbar Shnong Mission Compound, Prof. Don Kupar War.
