Bthah ka DSEL ïa ki DC jong ki 5 tylli ki District ka rilum Garo ban ïasyllok bad ki DSEO

Shillong, ïaïong, 18: Ka sorkar ka la pynmih ïa ka hukum ha ka sngi ba-ar ban khang ïa ki skul ha baroh kawei ka ri lum Garo na ka bynta lai sngi lynter kata naduh 19 haduh 21 tarik na ka daw ba jur palat ka jingshit kyr-ang khnang ba ki khynnah kin lait na ki jingpang ba har rukom khamtam ka jingpang shit.
“ Baroh ki skul ha ri lum Garo kin khang lut naduh ka 19 haduh 21 tarik” ïathuh u Myntri ka tnad pule puthi u Rakkam Sangma.
Na ka liang ka Directorate of School Education and Literacy (DSEL) ha ka sngi Baar ka la bthah ïa baroh san ngut ki Deputy Commissioner jong ki san tylli ki District ka rilum Garo, kata, ka West Garo Hills, Tura, ka East Garo Hills, Williamnagar, ka South Garo Hills, Baghmara, ka North Garo Hills, Resubelpara bad ka South West Garo Hills, Ampati ba kin ïasyllok bad ki District School Education Officer (DSEO) ha kaba ïadei bad ka jingpynbna shuti ïa ki skul namar ka jingsyllad jong ka jingshit shaba palat jong ka sngi kaba lah ban ktah ïa ka koit ka khiah jong ki khynnah skul, ki nongtrei ha ki skul bad ïa ki nonghikai skul.
Ha ka jingbthah ba la pynmih da ka Director jong kaSchool Education and Literacy ka Kong RM Kurbah, ka la ong, ‘namar ka jingshit shaba palat jong ka sngi kaba lah ban ktah ïa ka rilum Garo, ka jinglong jingman jong ka suiñ bneng ka la pynlong ïa ki khynnah skul ban ym lah shah kumba la phah jingtip sha ka ophis.
Ha kaba ïadei bad kane bad da kaba buh nyngkong eh hakhmat ïa ka koit ka khiah jong ki khynnah khnang ban kiar na kino kino ki jingjia la bthah (ïa ki Deputy Commissioner) ba kin ïasyllok bad ki District School Education Officer (DSEO) bad ki Sub Divisional School Education Officer. “Lada ka kam ka dawa ban khang khyrdep ïa ki skul, phi lah ban shim ïa kano kano ka rai na ka liang jong phi,” ong ka jingbthah na ka DSEL.
Na ka liang jong u Deputy Commissioner jong ka West Garo Hills District u Jagdish Chelani u la pynbna ba baroh ki Primary, Middle, Secondary bad Higher Secondary school kin khang khyrdep ha ka por mynsngi naduh ka por 8:00 baje mynstep haduh ka por 3:00 baje nohphai sngi ha baroh kawei ka distrik naduh ka 19 tarik haduh ka 21 tarik mynta u bnai.
Katkum kane ka hukum, ki skul miet kin pynlong beit kumba ju long manla ka sngi.
Ka jingkhluit shaba palat hapoh ka distrik ka la pynsngewkhia ïa ki bor synshar distrik, kaba ki paidbah ki lah ban ïap lhop, tyrkhong ka met, bad kiwei kiwei ki jait jingpang ki bym lah satia ban shu phai lyndet.
Namarkata, kum ka jingïada, baroh ki bor ba dei peit, kynthup ka District School Education Officer, la bthah ba kin bud pyrkhing ïa ka jingbthah jong kane ka hukum
Shuh shuh ka jingai dawai wieh ha ka National Deworming Day ha baroh ki skul yn sa pynlong ha ka 24 tarik mynta u bnai.
Kane ka hukum kan treikam noh mardor bad kan treikam tad haduh ban da pynbna da kumwei pat.
hukum kan treikam noh mardor bad kan treikam tad haduh ban da pynbna da kumwei pat.