Nongpoh, Nailar 04: Ka District Animal Market Monitoring Committee hapoh ka jingïalam jong u Bah MB Tongper Aditional Deputy Commissioner ka Ri-Bhoi haka sngi Balang kala bteng ban pynlong ïaka jingjurip ïaki jaka ri ïaki mrad (livestock), sa sha ki thaiñ Byrnihat, Baridua bad Killing ha Ri-Bhoi District ban pynthikna ba ki jaka ri mrad ki long kiba bit ba biang katkum ki kyndon.
Ïa katei ka jingjurip ïaki jaka ri mrad bam doh la pynlong ruh hadien ka hukum jong ka iing bishar jong ka Meghalaya High Court katkum ka Prevention of Cruelty to Animals Act 2017, bad ha katei ka sngi la don ryngkat ruh da ka Dr. I.N Tariang DVO, Dr M Pyngrope bad kiwei kiwei.
Naka liang u Bah MB Tongper u la pynpaw ruh ba ha katei ka sngi la ai jinghikai ruh ïaki paidbah bad ki trai jong ki jaka ri mrad ba ki dei ban pyndep katklum ki kyndon naduh ka sem, ka rukom ai bam, ka um, ki rukom sumar ïaki mrad ba armet bad kiwei kiwei ki jingdonkam ban sumar ïaki mrad ban lait naka jingshah lehbeiñ bad ai por ruh 2 taiew ïaki nongri bad ki trai ba ki dei ban pyndep ïaki jingdonkam bad ia katei ka jingjurip yn dang bteng ruh sha kiwei kiwei ki jaka ha Ri-Bhoi.
