Shillong, Nailar, 29: U Myntri Rangbah ka Jylla u Conrad K. Sangma ha ka sngi Palei u la pyntip ba na ki 36 tylli ki aplikeshon la ïoh pdiang, saw tylli ki 4 tylli ki la ïoh pdiang ïa ka jingmynjur na ka bynta ka mining lease, 13 tylli ki la ïoh pdiang ïa ka prospecting license, 16 kim pat ïoh pdiang satia ïa ka jingmynjur na ka bynta ka prospecting license bad lai tylli kiba la weng noh ïa ka aplikeshon.
Ha ka jubab ba la wanrah hapoh ka Ingdorbar Thawaiñ, u Sangma u la ïathuh ba saw tylli ki nongthep aplikeshon ki la phah ïa ki mining plan ki jong ki bad kane ka kam ka dang don hapdeng ka jingbishar.
U la ong ba ka jaka ba duna eh na ka bynta ban ïoh ïa ka prospecting license katkum ki kyndon ba la buh da ka Sorkar India ka long 100 hectare.
Shuh shuh u Myntri Rangbah u la ong ba ïa ka jingtih dewiong thliew khnai yn ym lah shuh ban pdiang kum ka jingtih dewiong katkum ka juk stad saïan.
