Nongpoh, Jymmang 03: Kum ka jingpeitngor halor ka rung ka mih jong ki mynder kiba khlem kot khlem sla kiba ju rung shaka jylla, ka Khasi Student Union, bad RBYF Umsning Circle hynnin ka miet kila ioh ban bat ïa shi kynhun ki mynder na kawei ka trok kiba wan rung sha ka jylla khlem ki kot ki sla kiba biang bad pynkheiñ ruh ïaka aiñ Inster State Migrants Workment (Regulation of Employment and Condition of Service) Act 2011.
Ka seng hapoh ka jingïalam jong u Samla Lster Nongbet President KSU bad u Samla Balakmen Nongbri President RBYF Umsning Circle ryngkat bad ki dkhot kila pynlong ruh ka jingtohkit ïa kitei ki mynder kiba thmu ban wan trei bylla, hynrei haka jingtohkit ka seng kila shem ba kim lah ban pynshisha bad kim don ïaki kot ki sla kiba biang bad kumta naka liang ka seng kala aiti noh sha ki pulit jong ka Umsning Police Outpost ban leh ïa kaba donkam.
Naka liang kitei ki nongïalam ka seng kila maham ruh ïa ki briew kiba ju mlien ban kdup bad ailad ïaki mynder ban wan rung bad trei bylla khlem da pynbiang ïaki kot ki sla bad lada lap naka liang ka seng kan sa shim da ki sienjam kiba tyngeh.
