Ban pynsuk ïa ki paidbah ka thaiñ Jirang da ka ophis treikam ba pura plie ka BJP ha Jirang Constituency

0

Nongpoh, Kyllalyngkot 14: Kum shibynta ban pynsuk ban pyntyllun ïaki kam jong ka Party BJP ha Jirang Constituency bad kumjuh ban nang pynkhlaiñ shuh shuh ïaka rukom treikam jong ka Party, na ka liang kane ka party mynta ka sngi ka la ioh ban plie paidbah syndon ïaka ophis trei kam ba pura ha Jirang Constituency.
Ïa katei ka ophis treikam jong ka BJP la wan ban plie da u bah Ernes Mawrie State President ka BJP haka jingdon ryngkat lang da u Bah Lee Bareh uba dei ruh u kyrtong ka BJP u ban ïakhun na Jirang Constituency, District President Bah Skhem B Swett, Bah Babul Suting Incharge Ribhoi, District General Secretary Bah Bariphylla Mawphniang, District Vice President u Bah Micheal Madur, u Bah Francis Ryntathiang uba dei kum u Mandal President, ki nongkyrshan jong ka BJP kiba kynthup naduh ki samla ki rangbah bad ki longkmie jong ka Jirang constituency.
Haba kren ha katei ka jingïalang naka liang u bah Mawrie u la khublei ïaki nongïalam kiba ha khmat jong ka BJP kiba na Jirang Constituency ba ki la lah ban trei shitom haduh ba ka ophis treikam kan ïeng bad ban ioh syndon ban plie paidbah mynta ka sngi, bad u la ai mynsiem ruh ba kin dang ïai trei shitom khlem kynran dien khnang ba ka BJP Jirang kan ioh ïa ka jingjop ha kane ka election ka ban wan.
Shuh shuh u la ong ïa ki paidbah nongkyrshan kiba la wan ban sakhi lang ha katei ka jaka, ba kin kyrshan naduh ka mynsiem ïa u kyrtong ka BJP u ban sa ïeng ban ïakhun na Jirang bad u la ong ruh ba kim dei ban shah pynbiej haki party bapher bapher kiba thmu ban pynbiej daki skim bad daka pisa, hynrei ki dei ban peit ïa u briew u bat rei hok ïaka kam kumba ka party BJP ka don ka jingangnud ban wanrah ki jingkylla ha katei ka thain.

Leave A Reply

Your email address will not be published.