Ban pynsngewthuh ïa ka jingma u drok da ka raly pynlong ka BJP

Don haduh kumba 2.5 lak kiba la kyrni ha u drok

0

Shillong, K’lyngkot 07: Ka BJP West Shillong Mandal ha ka sngi Saitjaiñ ka la pynlong ïa ka jingïaid paidbah ha ki bynta ka Mawbah kum shi bynta ban pynshai shaphang ka jingma u drok bad ki ppolicy treikam kiba ka party ka don a bynta bahn rat dyngkhong syndon ïa u drok na ka jylla.
Ha kane ka sngi ka BJP ka la pynlait paidbah ïa ki 8 tylli ki mat kiba ka party ka don na bynta ban rat dyngkhong ïa ka jingpyndonkam ïa u drok ha ka jylla kiba kynthup kum ka jingpan ïatreilang na ki jylla, ka jingbuh ïa ki pulit thwet drok bad ka thong ban buh ki jaka sumar na bynta kiba la shah teh kynjri ha ka jingkyrni.
Ha kane ka sngi u President ka party, u Bah Ernest Mawrie u la ong ba ka party kan sa shim ïa kiba bun ki lad ban rat dtyngkhong ïa u drok ha ka jylla ynda ka party ka bat ïa u lakam synshar bad na ka liang jong u u la pynpaw ruh ïa ka jingsngew diaw halor ka jingbun kiba kyrni ha u drok ha ka shnong Mawbah.
Shuh shuh u la ong ba ka party ka rah ïa kane ka mat ym tang na bynta ban jop elekshon hynrei kan pyntreikam shisha ruh wat hadien ka elekshon ruh.
U la ong ruh ba kumba long mynta kiba la kyrni ha u drok ki don jan kumba 2.5 lak kiba kyrni ha u drok kaba mut jan kumba 7.65 % na ki nongshong shnong ki dei kiba don ka jingkynri ban dih drok.
“Dei namar ka jingïohi ïa ka jingma jong u drok ba kum ka party ngi shim ïa kane ka sienjam ban buh ha khmat ïa ka jingpynduh ïa u drok kum kawei na ki mat ba ha khmat ka party hadien ka elekshon,” u la ong.

Leave A Reply

Your email address will not be published.