Ban kyntiew ïa ki kam karkhana, pyllait ka LKE&A ïa ki kor ki bor kiba lah ban treikam hi

Shillong, Jylliew : Ka Lauritz Knudsen Electrical and Automation, ka kompeni ba hakhmat eh ha kaba ïadei bad ka jingpynmih ïa ki tiar ki tar ha India bad ka jingpynmih ïa ki kor ki bor kiba lah ban treikam hi, mynta ka sngi ka la pyllait paidbah ïa ka thup jong ki tiar ki tar bad ki kor ki bor da ka jingthmu ban nangkyntiew shuh shuh ïa ki karkhana kiba kongsan bad kiba kiew sted bha. Kum shi bynta jong kane ka sienjam treikam kaba don bha ka jingangnud, ka kompeni kan leit sha ki 30 tylli ki nongbah kiba don bun ki karkhana ha kylleng ka ri ban ïoh ban ïakren bad ki nongïalam jong kitei ki nongbah bad kito kiba ïadon bynta ha ka kam, bad kiba ïatreilang bad kiwei pat ban kyntiew ïa ka kam khnang ban pynsted ïa ka jingpyndonkam ïa ka teknoloji ha ki jaka pdeng kiba don ki karkhana ha India.

Da kaba phaikhmat sha ka jingpynmih ïa ka voltage kaba duna, ki kor ki bor kiba ïarap ban pyntrei ïa ki kam da lade hi khlem da donkam ban leh da ki briew bad ki lad ki lynti na ka bynta ka rukom pynmih bording kaba thymmai, ka Lauritz Knudsen ka pyntyllun shakhmat ïa ki kam kiban wanrah jingkylla lyngba ki bor teknoloji kaban sam shaduh ki kam karkhana kiba long u budlum jong ka India.

Kane ka jingpynbna paidbah ka pyni ïa ka jingtreikam ba radbah jong ka kompeni ban pynlong ïa ka India ka ri kaba la jam shakhmat ha kaba ïadei bad ka teknoloji kaba lah ban long ka ri kaba biang ha ka ïoh ka kot, bad pynlong ruh ïa ka India ka ri kaba don ïa ka jingpynmih bording katkum ka juk ba mynta, kaba iahap ruh bad ka thong jong ka sorkar kata ka Viksit Bharat 2047.

“Ka jingthmu ka jong ki ka long ban pynmih ïa ki kor ki bor teknoloji kiban nang pynkupbor ïa ki nongthied ba kin lah ban trei ïa ka kam ha ka rukom kaba shngaiñ, kaba sted, bad kaba katkum ka juk. Lyngba ka jingpyni nam ïa ki tiar ki tar, ngi ngeit ba ngi nang pynskhem ïa ka jingngeit jong ngi ba ki buit stad treikam thymmai kidei ban long kiba baroh ki lah ban ïoh ban pyndonkam lang, ba lah ban pynïahap bad ki kam, bad  ïadei ruh katkum ka jingdonkam ba kyrpang jong ki thaiñ ha kylleng ka ri India. La ka long ka jingpyndonkam ïa ka kor ba tylliat hi ïa u khaw ha Raipur, ka jingpynmih ïa ka bor ban pynïaid ïa ka kor thaiñ jaiñ ha Coimbatore, ne ban pynbha ïa ki kor ki bor katkum ka juk mynta ïa ka karkhana ha Pune, ki tiar ki tar jong ngi ki long kiba la saiñdur ban wanrah ia ka jingbha,” ong U Naresh Kumar, COO, Lauritz Knudsen Electrical and Automation.