Ban ïada na kiba bun ki jingjia ba sngewsih, shah talasi bun ki kali ba pynkheiñ aiñ ha Nongpoh

Nongpoh, Lber, 09: Ban tehlakam ïa ki Kali ba pynkheiñ ïa ki kyndon aiñ ñiah kali kaba la buh jingma ïa ki paidbah ha ka leit ka wan, Ki Pulit ka Ri Bhoi lyngba ka tnad Traffic jong ka Nongpoh Police Station mynta ka sngi u Blei, ki la pynlong ka jingkhynra naphang ïa ki kali paidbah bai aid ba ieng lyngba ka surokbah NH-6 ha Nongpoh.
Kane ka jingpynlong ïa ka jingkhynra ïa ki Kali naduh ki Kali heh, ki kali rit bad ki Kali ar sha ka, ka dei ban pyntreikam ïa ki kyndon aiñ ñiah kali bad ruh ban pynsngewthuh ïa ki paidbah shaphang ka jingkitkhlieh ba ki hap ban bud ïa ki kyndon, khnang ban lait na kino kino ki jingjia ba sngewsih kiba dei tang na ka daw ka jingñiah thurmur ïa ki Kali ha ki surok paidbah.
Ha kane ka sngi, ki Pulit ka Nongpoh lyngba ka tnat Traffic ki la bat ruh ïa ki Kali ba pynkheiñ aiñ bad ruh ki la daiñ kuna ïa ki Kali kiba pynkheiñ aiñ.
Shuh shuh, ki Pulit ki la pynthikna ruh ba ka jingtehlakam ïa ki kali ba pynkheiñ aiñ kan dang ïaibteng bad ym tang ha kane ka sngi bad kin dang pynjur ruh ka jingkhynra ne ban talasi ïa ki kali kiba ïaleh pyrshah khlem da bud ïa ki kyndon jong ka aiñ.
Ha kane ka jingkhynra, u Additional Superintendent of Police (SP) u J. Rabha u la ai ka jingkren ban pynsngewthuh ïa ki nongniah Trok, da kaba kdew halor ka jingdonkam ban pynneh ïa ka jingshngaiñ ha surok bad ban bud ryntih ïa ki aiñ kali. Ka jingai jingkren jong u ka long kum shibynta jong ka jingpynshai paidbah kaba donkam khamtam ïa ki nongniah kali kiba kit khia ba ki hap ban bud thikna ïa ki kyndon khnang ban nym mih kino kino ki jingia ba sngewsi ïa ki paidbah.