Nongpoh, Lber 18: Ka Shnong Nongdewsaw ha ka Dorbar ba khatduh jong u snem 2023-2024 lyngba ka Executive Committee jong ka Dorbar Shnong Nongdewsaw, Ribhoi District ha ka jingïalam u Rangbah Shnong, u bah A.B Warjri ki la soi ïa ka MOU bad kawei ka Company ba al tip kum ka JICA (Japan International Cooperative Agency) ban aiti ïa ka khlaw shnong kaba don ka jingheh haduh 20 hectare sha katei ka company na ka bynta ban thung dieng kaba long ka thong ban pynneh pynsah ïa ki khlaw ki btap bad ïa ka mariang.
U Rangbah Shnong ka Nongdewsaw, u Bah A.B Wajri ha ka sngi u Saitjain u la ïathuh ba ïa kane ka jingïasoh MOU bad katei ka Company la leh hadien ba la dep ban pynthymmai ïa ki nongïalam shnong bad kumjuh ruh u rangbah shnong ba ki paidbah nongshong shnong ki la ibit ban jied ïa u Bah A.B Wajri ku u rangbah shnong ba thymmai.
U Bah AB Warjri, Rangbah Shnong Nongdewsaw, u la ong ba ka Dorbar shnong ka la ïoh pdiang ïaka Skim lyngba ka Tnad JICA (Japan International Cooperative Agency) naka bynta ban thung dieng haki khlaw ki btap bad ki donkam ruh haduh 20 hectare eiei ka jingheh ka jak ana ka bynta ban thung ïaki dieng ban pynneh pynsah ïaka mei mariang.
Shuh shuh, u Bah Warjri, kum u Rangbah Shnong u khot ïawer ïa baroh ki nongshong shnong lem bad ïa kito ki bym dei ki trai shnong hynrei kiba don pat ïaki jaka hapoh ka shnong Nongdewsaw ba kin wan mih haka sngi saitjaiñ kata haka 23 tarik Lber, 2024 ha kapor 9 baje mynstep ban ïa kynduh bad ki nongpynïaid shnong haka ophis treikam naka bynta ban ïa kren pynbeit ïa katei ka kam kaba long kaba donkam eh na ka bynta ka jingbit jingbiang jong ki paidbah nongshong shnong, u la bynrap.
