Shillong, Rymphang 10 : U President ka Meghalaya Pradesh Congress Committee, Bah Vincent H Pala ha ka sngi Palei u la ong ba ka party jong u ka buh thong hakhmat eh ban ïada ïa ki paidbah trai ri trai muluk jong kane ka jylla.
Haba kren bad ki lad pathai khubor, u Bah Pala u la ong ruh ba ka ILP kadei ka mat kaba hap ban ïa kren markhmat bad ka sorkar pdeng. “Ka Congress haba ki don ha ka bor ka la don ka Resolution ha Iing Dorbar, kumta la kadei kane ka sorkar lane ka sorkar barim, nga tharai ba ka nongrim ka nehn kumta. Watla kadei na ka bynta ka Khyrnit kaba Phra, ka nongrim kan neh kumjuh,” u la ong.
Da kaba kam ba ka Congress ka buh thong na ka bynta ka bit ka biang jong ki paid riewlum ha Meghalaya, utei u MP ka Shillong u la ong ruh ba ïa ka Khyrnit kaba Hynriew jong ka Riti Synshar jong ka Ri la ai sha ki paidbah ka jylla da ka Congress.
“Ka Khyrnit kaba Hynriew ka long kaba donkam bha ban ïada ïa ki paidbah jongi,” u la ong.
Da kaba kular ba ka Congress ka long kaba pynkhreh ban eksamin ïa kiwei pat ki aiñ ban ïada ïa ki jaidbynriew trai ri trai muluk.
