Tuid ki paidbah ka Mupliang ban kyrshan pura ïa u ma Sniawbha

0

Shillong, Rymphang 10 : Mynta ka sngi ki paidbah ka Mupliang ki la pynpaw ïa ka jingshaniah tylli jongki ïa u MLA jongki uba long ruh u kyrtong ba mynta jong ka NPP u ma Sniawbhalang Dhar namar mynta ka sngi haka jingïalang paidbah ba la pynlong ha katei ka shnong ki paid nongshong shnong ki la ïamih paidbah ban pynpaw ka jingkyrshan bad shaniah tylli ha u ma Sniawbha.
U ma Sniawbha u la ong ba kane ka dei ka shnong kaba la ju kyrshan ïa u man ba u ïaleh ïa ka election bad ha kane ka kynti kumba 90 % ki nonshong shnong ki la rai ban ai ka jingkyrshan ïa u. “Kane ka jingkyrshan jong ki paidbah ïa nga ka la nang ai mynsiem ïa nga ba ngan nang ai shuh shuh ka jingshakri hok ban pynbiang ïa ki shnong ki thaw bad khamtam ban pynphyrnai shuh shuh ïa ka 1-Nartiang Constituency.
Kiba bun ki nongïalam na katei ka shnong ki la pynpaw ha ka jingkren jongki ba kin pynjop don burom ïa u ma Sniawbha wat ha kane ka kynti ruh khnang ba un dang ïoh ban ai ka jingshakri ïa ki.
La ai jingkren da u CEM ka JHADC ma Thombor Shiwat lem bad kiwei kiwei ki nongïalam jongka NPP na katei ka constituency.

Leave A Reply

Your email address will not be published.