Bam duh ka ding lai tylli ki dukan ha WGH

0

Tura, Jymmang 30: Ka ding kaba klang bha, kala bam duh bad pynkylla dpei ïa lai tylli ki dukan ha Dakopgre kaba don mar pyrshah ka Dakopgre Petrol Pump, Tura hynne ka step sngi Ba-ar.
Kane ka jingpluh ding ka la jia ha ka por 8 baje mynstep ha kaba lai tylli ki dukan ba kynthup ïa kawei ka dukan sha, kawei ka dukan taiar bad kawei ka dukan khap sniew, kila shah bamduh. Kane ka jaka ka don ruh marjan ka ktem ki CRPF.
Ki Pulit pynlip ding tang mar syn ïoh jingtip ïa kane, ki la phah wut wut ïa ki kali pynlip ding ban tehlakam ïa ka jingnang pur ka ding sha kiwei pat ki dukan ba marjan.
Ki Pulit ki pyntip ba ha ka jingtohkit ba malu mala, la antad ba kane ka jingpluh ka lah ban dei na ka jingbthei ka tyndong lyer shet jingshet.
Ki la antad ruh ba ka jingduhnong na kane ka jingjia ka lah ban kot ïa ka 4- 5 lak eiei. Ki Pulit kila pynlong ia ka jingtohkit ban lap ïa ki daw tynrai halor kane ka jingpluh ding.

Leave A Reply

Your email address will not be published.