Balei ngan hap kren Hindi ma nga, phi wan sha Karnataka kren da ka ktien jong ngi, ong u nongñiah auto

Shillong, Lber 12: Uwei u nongñiah auti rickshaw ha ka jylla Karnataka lyngba ki video ba la saphriang ha ki rynsan social media la ïohi ba u don ka jingïapyni nia kaba jur hapdeng jong u bad arngut ki kynthei kaba shong ha ka kali jong u na ka daw ka ktien kaba kine ki arngut ki ïakren namar kat kum kane ka video ba la saphriang la sngwthuh ba ka don ka jingpynbor da kane ka nongshong ha ka kali jong u ba un kren da ka ktien Hindi.
“Balei ngan hap kren Hindi ma nga, phi wan sha Karnataka kren da ka ktien Kannada ka ktien tynrai jong ngi,” la ïohsngew ba une u nongñiah auto u pynpahi ktien ïa kien ki kynthei kiba shong ha ka rickshaw jong u.
“Balei ngin kren da ka Kannada da leilei ngan ym kren Kannada,” la pynphai nia kawei ka riew kynthei ïa une u nongñiah kali.
“Kane ka dei ka ri jong ngi kam dei ka jong phi balei ngin kren Hindi ma ngi ha la ka ri kren beit da ka Kannada haba phi wan shane,” la ïohsngew ba une u nongñiah rickshaw u la pynphai nia da ka jingdom.
“Phi wan na ki jylla North India (ba kren ha ka ktien Hindi) balei ngin shu kren lang ma ngi tang ba phi wan na ka jylla ba kren Hindi,” u la ong.
Kane ka jingïatai nia kaba khluit hapdeng u nongñiah rickshaw bad kine kiba shong ha ka ka la poi sha kaba da khluit tar haduh ba une u nongñiah ricksaw u la phah hiar marmar na kane ka kali jong u.
Lah ban ïohsngew ba wat la na baroh arliang mamla ki nang ban kren ha ka ktien Phareng hynrei ka don pat ka jingpyrshang ban pynbor kren Hindi ïa une u nongñiah rickshaw.