Ba shim kabu ban thang khlaw pathar, yn leh ka Dorbar Shnong Mawlyngdep da kaba tyngeh ïa kiba thang khlaw pathar

Nongpoh, Lber 06: Ka Dorbar Shnong Mawlyndep mynta ka sngi ka la pynmih syndon da ka jingmaham kaba jur ïa kino kino kiba thang khlang pathar, ba kane ka ktah ïa ka mariang bad ka buh jingma ruh ïa ki nongshong shnong ha katei ka thaiñ Mawlyndep ha Ri Bhoi District.
Na ka liang ka Dorbar shnong Mawlyndep ka la buh ruh ka jingma halor kane ka jingthang khlaw pathar, ka dei ruh hadien ba hynnin ka janmiet ha ka por janmiet, la don ki riew shim kabu kiba thang ïa ka khlaw bad na kane ka jingthang khlaw ka ding ka la pur ruh sha ki jaka shong jaka sah ki noingshong shnong kaba la buh jingma ïa ka shnong hi baroh kawei.
Haba ïa kren bad u rangbah Shnong ka Mawlyndep, u Bah Jinu Kharbuki, u laong ba ka shnong ha ka jingshisha na ka por sha ka por ka la ju don ka jingmana ba tyngeh ïa kiba thang khlaw, hynrei haduh kine ki sngi dang don kiba shim kabu bad kim ju pyrkhat ba na ka jingthaw khlaw ka ktah ïa ka mariang bad ruh ka buh jingma ïa ki ing ki sem khamtam ha kum kanr ka por ba tyngkhong.
U la ïathuh ruh ba katei ka jingthang khlaw hynnin ka janmiet ka dei hajan ka Rympei Arrupe Jesut Novitiate kaba dei ka jaka pule ki ban long ki nongtrei riew niam ka Balang Katholik bad ha katei ka jingthang ki runar ïa ka khlaw ki samla pule ki la hap ban mih ban pynlip ïa ka ding namar ka ding ka la pur sha katei ka jaka sah jongki.
Kum ka shnong ka pynrem jur halor ka jingbym pyyrkaht ïa ka mariang bad ka jingma na ka jingthang khlaw ba ki riew shim kabu ki la shu thang pathar ïa ka khlaw bad kane ka jingthang khlaw ka la buh jingnma ruh wat ïa ki ing ki sem ba ka ding ka lah ban pur namar ba la dei ka aiom tyrkhong, u la ong.
Namar kata, na ka laing ka Dorbar shnong ka la maham jur ïa baroh ba kim bit ban thang khlaw ha katei ka jaka ba hap ha u pud u sam ka shnong Mawlyndep bad lada lap ka bor shnong kan leh da kaba tyngeh wat ban ujor da ka ejehar sha ki bor pulit ba kin ngat ha ka jingpynshitom katkum ki kyndon jong ka aiñ, u la bynrap shuh shuh.