Ba shah ot ka bai bylla, rai ki Kontraktor ban sangeh pyntrei ïa ka skhim JJM

0

Shillong, Nailur 21: Ki Contractor ba pyntrei ïa ki skhim sam um ha West Khasi Hills hapoh ka shatri jong ka PHE Western Circle Contractor & Suppliers Associations mynta ka sngi ki la kynduh ïa u myntri ba dei peit ïa ka tnat PHE, ban ïa kren halor ka jing shah ot ïa ka bai bylla ne ka scheduled of rate na kaba la mang ïa ka jingpyntrei jong ki ban pynpoi um sha man la ki thliew iing lyngba ka skhim JJM.
Haba kren sha ki lad pathai khubor u President ka seng u Bah J.T.S Thongni u la ïathuh ba na liang jong ki contractor ki la pynsngew sha u myntri ba na ka liang jong ki ki la rai ban sahngeh ban pyntrei ïa ka skhim JJM katba ka sorkar kam pat pynthymai biang ïa ka rai jong ka ban ot na ka bai nong ba ki dei ban ïoh. U la ïathuh ba kane ka jingot ka sorkar ka ai daw ba ka dei ban siew ïa ka bai pipe um namar ka jingkiew dor u pipe palat ban ïa ka dor ba la mang ban pynlut.
U la ong ba na kat kum ka mang ba la buh ha u snem na bynta uwei u pipe ba 15 Mm dia la mang 500 katba ka dor ka la poi 800 tam eiei basd u la ong ba ka sorkar na ka mang ban siew bai nong 85 tyngka eiei katba ka siew pat tang kumba 38 tngka eiei halor ka nongrim ba kan siew ïa ka dor u pipe da kaba khate ïa ka bainong jong ki u la ïathuh.
U la ong ruh ba na ka liang ki contractor kim shym la dawa satia kano kano ka jingkyntiew dor bai bylla hynrei ki trei beit ïa ka dor ba la mang hynrei ha kano pat ka nongrim ba ka sorkar kan khate pynban na ka bhah jong ki ban siew ïa ka dor u pipe.
Haba kylli ïa ka jingkular u Myntri na ka liang kine ki contrcator ki la ïathuh ba na ka liang jong u u la kular ban shim khia ban ïakren bad ki ophisar ïa kane ka jingeh kaba ki ïa kynduh ban ban pyrkhat ïa ki lad ki lynti khang ba ka jingpyntrei ïa kane ka skhim kan ym tht noh.
U la ïathuh ruh ba na ka liang u Myntri u la kular ban peit ïa kane lehse da kaba pynthymmai ïa ka mang tyngka ha ka jingpyntrei ïa kane ka skhim
“Na ka liang ki contractor ngi la ai por haduh ban da kut une u bnai ban pynkylla ïa kane ka rukom leh jong ka bad lada kam sngap ïa ka jingdawa jong ngi na ka liang ka association ngim banse wat ban leit tied jingkhang sha Ïing Bishar ban ïoh ia ka hok jong ngi” ong shuh shuh u President ka seng.
Haba kylli pat ïa ka jingïohi jong ki halor ka thong ba ka sorkar ka buh ban pyndep pura ïa ka jingpyntri ïa kane ka skhim la kumno kumno ha u Nohprah na ka liang une u Contractor u la ong, “Lada ka sorkar kam ot bainong ngi lah ban pyndep kumba la buh thong, hynrei lada ka long kumne te yn ym lah namar ngi ruh ngi la rai ban sahngeh pyntrei namar ngin hap sei pynban na pla lajong ban siew wat tang ka bainong ki nongtrei” u la bynrap

Leave A Reply

Your email address will not be published.