Shillong, Kyllalyngkot 9 : Namar ba la jan ka election bad ba ka ju long ka rukom ba kino kino ki ophisar kiba la trei ha kajuh ka jaka palat ïa ka arsnem ka sorkar kan hap ban pynkynriah kam beit ïa ki shwa ka election namar ka dei ruh ka hukum jongka Election Commission jongka India, kumta mynta ka sngi ka sorkar ka la pynmih ka hukum ban pynkynriah kam noh ïa ki katto katne ki ophisar kynthup ïa ka DC jongka East Khasi Hills kong Isawanda Laloo IAS bad SP ka East Khasi Hills bah S. Nongtnger IPS.
Ha ka jaka jong I kong Isawanda ka sorkar ka la wanrah da u SC Sandhu kum u DC ba thymmai bad ïa i kong Isawanda la pynkynriah noh kum i Director jongka Community & Rural Developement bad Secretary ban peit ïa ka tnad Fisheries.
Ha ka jaka jong u bah Sylverster Nongtnger IPS ka sorkar kal a wanrah da u Dr. Raghavendra Kumar MG bad ïa u bah Nongtynger la pynkynriah noh kum u SP jongka Fire and Emergency Services.
ïa u SP jongka West Khasi Hills ubah Herbert G Lyngdoh la pynkynriah noh kum u SP ka Anti Infiltration Directorate bad ïa u bah Vivek Syiem SP City pat la pynkynriah noh kum u Assistant Inspector of General (AIG) Law and Order.
ïa u Chief Security Officer ka MePDCL u bah Nakiew K Syiem la pynkynriah noh kum u Assistant Inspector General of Police (R) bad ïa u Darwin M Sangma la pynkynriah noh kum u SP ka West Khasi Hills.
ïa u SP jongka F &ES u bah Spill Thamar la pynkynriah noh kum u CSO jongka MePDCL.
ïa u SP jongka Anti Infiltration Directorate u Ringrang TG Momin la pynkynriah noh kum u SP (City) Shillong.
ïa u bah Pherbak Singh Marwein Assistant Commandant 1st MLP Battalion la pynkynriah noh kum u SDPO Mawshynrut, West Khasi Hills. ïa u bah Pynhunlang Manik Syiem DSP ( Serucurity Wing) SB la pynkynriah kum u SDPO Sohra, East Khasi Hills.
