Mawkyrwat, Kyllalyngkot 14: Ka Mawlangwir Sports Club bad ka Mawten Sports Club ki la long ki ar tylli ki kynhun kiba la ïoh rung ha ka phainal jong ka lympung ïalehkai kynjatbol ba la tip kum ka 2nd Inter – Villager Football Tournament 2025-26 ba la pynïaid ka Veteran Football Committee jong ka Mawten Sports Club ba la pynlong hapoh Madan Mawpyllun, Mawten, South West Khasi Hills District, Mawkyrwat.
Ka jingïoh rung jong ka Mawlangwir Sports Club ha ka phainal ka dei hadien ba ka la lah ban pynliem noh pyrshah ïa ka Awro Sports Club da 3 – 1 kol ha kaba ïa ki kol jong ka Mawlangwir Sports Club la thep da u Bardus Lyngkhoi, na u Mebanaibor Marweiñ bad na u Arrowstar Wanniang ha ka jingïalehkai jong ka kyllamiet.
Katba la jingïoh rung jong ka Mawten Sports Club pat ka dei hadien ba ka la pynliem noh pyrshah ïa ka Sohkhyllam Sports Club da 3 – 2 kol ha ka Tie Braker.
Kumta, ka jingïalehkai phainal jong ka 2nd Inter – Villager Football Tournament 2025-26 hapdeng ka Mawlangwir Sports Club bad ka Mawten Sports Club ka dei ha ka 17 tarik u Kyllalyngkot, 2026 ha ka por 1:30 nohphai sngi ha Madan Mawpyllun, Mawten, South West Khasi Hills District, Mawkyrwat.
Ka sports club ka khot bad wer sngewbha ïa ki paidbah riew ieit phutbol na-jan bad na-jngai ba kin wan sakhi bad pynshit pynshngaiñ ïa kane ka lympung ïalehkai kynjatbol hapdeng kitei ki ar tylli ki kynhun.
