Ki 3 ngut ki heprit ba shah iehnoh ki don hapoh ka jingsumar ha Ri-Bhoi, hapoh 60 sngi ai por ïa ki bahaïing

Nongpoh, Nohprah 23 : Ka District Child Protection Unit, Ri-Bhoi District kala pyntip ba 3 ngut ki heprit ba kynthup ïa uwei ba dang 9 bnai, u ba 14 snem bad 11 snem kiba la shah iehnoh bad la aiti sha ka Child Welfare Committee haka 14 tarik Jymmang 2025 bad ki don ruh hapdeng ka jingsumar jong ka Specialised Adoption Agency, Ri Bhoi District, bad Government Children’s Home Boys, Nongkhrah, Ri Bhoi District.
Na ka liang ka ophis jong ka DCPU kala ai por ruh 60 sngi ïa kino kino ki briew ne ki bahaiing kiba don jingtip ïa kitei ki heprit ba kin pyntip sha ka District Child Protection Unit bad Child Welfare Committee, Sajer, Ri Bhoi District – 9856131925 / 7005607547, lane sha ka Specialised Adoption Agency, Saiden, Ri Bhoi District – 8837220823 lym kumta ïa kitei ki heprit yn pynbna kum ki khynnah kiba laitluid kum ka aiñ naka bynta ban ting khun.