Ïoh nongkitkam thymmai ka Shnong Sohkha Missionna ka bynta ka samoi treikam 2025-2027

Jowai, Nohprah 06 : Ka Shnong Sohkha Mission kaba hap hapoh ka Amlarem Sub-Division kala ïoh ban jied pynthymmai ïa ki nongkit kam na ka bynta ka samoi treikam jong ka snem 2025-2027 haka jingïalang General Meeting kaba la pynlong ha une u bnai bala dep jong ka 29 tarik u Naiwieng.
La jied ïa u Waheh Shnong ma Precious Stone Suchen, u Assistant Waheh Shnong ma Handleson. L. Gadew, General Secretary ma Marshall Manner, Asst. Secretary ma Rangkitbok Hayong, Financial Secretary ma Comforter Hayong, Treasurer ma Visherly.L Gadew, Sangot ma Poophang K. Khonglah lem bad 17 ngut ki Executive Members.
Ïa ki nongkikam thymmai la wan ban pynskhem da u ma Chui Pohlynjar uba dei u Doloi ka Elaka Nongtalang ha ryngkat u ma Forme Sumer, Secretary Village Court Elaka Nongtalang.
La ïoh ka jingkren na u ma Precious Stone Suchen, Waheh Shnong ma Marshall Manner bad ka Dr. Rimika Lanong kaba dei kawei na ki Executive Members ka Durbar Shnong. Baroh kine kila pynpaw ka jingsngewnguh ïa U Blei uba la don ryngkat bad ka Shnong ban pynlong ïa kane ka General Meeting jong ka Shnong bad kham kyrpang eh ha kaba ïadei bad kane ka jingjied ïa ki Nongkit Kam ka Shnong na ka bynta ka term 2025-2027.
Katba u Doloi ka Elaka Nongtalang haba ai jingkren u kitbok kitrwiang ïa ki Nongkit Kam ba thymmai ka Shnong Sohkha Mission ba kin nang lah ban trei khambha shuh shuh ban ïalam ïa ka Shnong.