Shillong, Naiwieng 25: Ka Tura Municipal Board da ka jingïatreilang bad ka tnat Animal Husbandry & Veterinary kan pynlong ïa ka prokram pynrung kyrteng ïa ki ksew ne ki mrad jingri kaba la tip da ka prokram ‘Mandatory Registration of Pets and Responsible Ownership’ kaba dei ka kam ïalap ka ba yn pynlong ha Tura Municipal naduh ka 8 tarik u Nohprah, 2025.
La bthah ïa ki trai jingri ba kin register online ha www.turamunicipalboard.com ne ba kin leit jngoh ha office jong ka Tura Municipal Board.
Ki kot ki sla ba donkam ki long ka anti-rabies vaccination certificate, ka ID jong ki trai bad address, bad ka passport-size photograph jong ki jingri.
Na ka bynta ki jingtip ba bniah lah ban phone helpline number: 9863904113.
