Nongpoh, Naiwieng 03: Ka seng HANM, Western Ri-Bhoi da ka jingbitar kala dawa syndon naka tnad PWD Nongpoh Division ba ka dei ban maramot noh mardor ïaka jingkieng haka shnong Umkynsier, haka thaiñ Western Ri-Bhoi namar ka jingeh ba mad da ki paidbah kiba leit ba wan nalor ka jingsyier ba katei ka jingkieng ka lah ban khyllem ha kano kano ka por.
Na ka liang ka seng lyngba u Bah Sumarlang Lyngdoh kum u President u la ong ba kum ka seng ka dap da ka jingsngewkhia halor katei jingma kaba ap ïaki paidbah nongshong shnong ha katei ka thaiñ ha kaba ïadei bad ka leit ka wan ki paidbah kumta ka seng ka ai por 1 taiew ban sdang maramot noh ïa katei ka jingkieng naka bynta ka jingbit jingbiang jong ki paidbah nongshong shnong.
Na ka liang ka seng kala kyrpad ruh ïa u MLA ka thaiñ u Bah Sosthenes sohtun ban shimkhia bad ban bthah ïaki ophisar ban pynsted ïaka kam.
