Leit jurip ka WJSU ïaka rukom siang rong na Amlarem-Pdengshakap, lap ba stang ka surok

Jowai, Naiwieng 03: Ka War Jaiñtia Students’ Union (WjSU) Central Body, Amlarem hapoh ka jingïalam u samla Dei Syad naka WjSU West Sapator Sub Circle Syndai haka jingïadon lang samla Everest Langstang, u Bah AK Gashnga, Chief Adviser, u President ka Amkhlo Unit Area ma Ovinas Lyngngiar ha ryngkat bad u ma Rimingson Daw Assistant Executive Engineer ka Amlarem Border Roads Sub-Division, Amlarem kila leit ban jurip (inspection) ïa ka surok ba dang shna mynta na Amlarem shaduh Pdengshakap jong ka Amlarem-Muktapur Roads.
Shuh shuh la ong kaba pynlong ïa ka seng ban leit jngoh ïa katei ka surok ha ryngkat u Engineer ka long halor ka jingud jingnam ki paidbah ba u Contractor u trei torti ïa katei ka surok.
Ha kane ka jingleit inspection la lap ba ka surok ka stang namar katkum ka jingbatai u Assistant Executive Engineer ïa kane ka surok la sanction tang shi code/shi layer ka black toping.
Halor kane ki nongïalam ka seng ki kyntu ïa u Engineer ba un peit bniah ïa kane ka rukom shna ïa katei ka surok katkum ka sanction bad ka seng kan ïai buddien ïa ka rukom shna ïa katei ka surok. Ka seng ka sngewnguh ïa u Engineer ba u lah pynlait por khnang ban leit jngoh lang ïa katei ka surok. Pynkut ka kyrwoh na u samla Gabriel Shylla uba dei u Publicity Secretary ka WjSU Central Body Amlarem.