Shillong, Naitung 03 : Ka lympung ïalehkai District Level Inter School Subroto Mukherjee Cup u DSO ka East Khasi Hills District ka la jam mynta sha ka final.
Ki kynhun kiba la rung sha ka final ha kane ka lympung ki kynthup ïa ka Iewrynghep Presbyterian Sec School kan sa ïakhun pyrshah ïa ka Umpohliew Jingtip Higer Sec School ha ka kyrdan U-17 (Girls), ka Umpohliew Jingtip Higer Sec School pyrshah ïa ka H.Elias Memorial Higher Sec School jong ka kyrdan U-14 (Boys) bad ka St. Anthony’s Higher Sec School pyrshah ïa ka Umphyrnai Presbyterian Sec School ha ka kyrdan U-17 (Boys).
Kine ki hynriew tylli ki skul ki la rung sha ka final hadien ba ki la khur jingjop ha ki jingïakhun semifinal kaba la long ha ka sngi Saitjaiñ. Haba phai sha ka kyrdan U-17 ki kynthei, ka Iewrynghep Presbyterian Sec School ka la pynliem da 3-0 ïa ka 1st M.L.P Bn Sec School ha ka jingïakhun ha Madan Heh, Mawlai, katba ka Umpohliew Jingtip Higer Sec School ka la pynliem ïa ka Tbeh Jingshai Sec School da 1-0.
Ha ka kyrdan U-17 ki shynrang ka St. Anthony’s Higher Sec School ka la pynliem da 2-1 ïa ka O.M Roy Memorial Higher Secondary School 1 katba ka Umphyrnai Presbyterian Sec School ka la rung sha ka final da kaba pynliem da 5-3 ïa ka Shillong College Higher Secondary Education
