Jowai, Risaw 29: Ka Sub-Divisional Officer (Supply), Amlarem Sub-Division kala pynbna paidbah ba katkum ka hukum jong ka Sorkar jylla, la bthah ïa ki paidbah ban sumar bad pyrkhat bha halor ki jingbymman kiba lah ban jia lyngba ki online bad kompiwtor.
La kyntu ïa baroh ki paidbah ba kin pyntip mar mar lada ki mad kino kino ki jingeh kum ki kam runar lyngba Internet bad Computer, jingthok online, jingthok lyngba ki ID, ki jingshah thombor ha ka liang ka pisa tyngka ka jingshah thombor bad leh ibeiñ lyngba ki kompiwtor bad mobile phone bad kiwei kiwei pat ki rukom da kaba pyntip sha ka National Cyber Crime Reporting Portal ha www.cybercrime.gov.in bad ha u National Cyber Helpline Number: 1930.
Ka SDO (Supply) ka kyntu ruh ïa ki paidbah ba kin bud bad subscribe ïa ka “Cyberdost” jong ka tnad Kam Pohïing, ka Social Media handle, na ka bynta ka jingpynsngapthuh shuh shuh halor ki jingïadei bad ka Cyber safety.
