Nongpoh, Risaw 03: Kum shibynta ban rakhe ïa ka Program Swachhata Hi Seva kaba dei halor ka khuid ka suba, na ka liang ka Ophis U Deputy Commissioner Ribhoi District mynta ka sngi ka la pynlong ïa ka Program kaba kyrpang ha Nongpoh Shoping Complex.
Ha katei ka program la wan ban shim bynta da u MLA ka Nongpoh, u Bah Mayralborn Syiem kum u kongsan ha ka jingïadonlang ka Kong B Ranee, ADC Ribhoi District, Ki Ophisar na ki tnad Sorkar, Ki Nongïalam Shnong Lem bad ki khynnah Skul na ki skul bapher bapher.
Ïa katei ka program na ka liang ka Ophis u Deputy Commissioner Ribhoi, ki la ïoh ban sdang naduh ka 17 Tarik Nailur ha kaba la ïoh ban pynlong ïa ki jingïakop bapher bapher naduh ki jingïakop Dro Jingdro, ka jingïakop Thoh Slogan bad kiwei kiwei ha kaba ha kane ka sngi pynkut la ïoh ban pynlong ïa ka jingïakop pule poetry da ki Samla Pule.
Ha katei ka program, la sam ruh ïa ki khusnam sha baroh ki nongjop ha ka jingïakop bapher bapher ba la ïoh ban pynlong ha kitei ki sngi halor ki phang bapher bapher ha kaba ïadei bad ka jingkhuid jingsuba.
Haba kren ha katei ka sngi Na ka liang u MLA ka Nongpoh u Bah Mayralborn Syiem u la pynpaw ïa ka jingkmen ban ïoh ïadonlang ha kum kane ka sngi kyrpang kaba la pynbeit na ka bynta ban kynmaw ba ka khuid ka suba ka dei ka kam ram kaba ngi hap ban ïa kit khia.
Haba kren ha kaba ïa dei bad ka khuid ka suba, ym dei ban don mano mano ban shah pynbor hynrei na ka bynta ka khuid ka suba ngi dei ban shim ba ka dei ka kamram jong ngi Shimet Shimet.
Kum u MLA ka Nongpoh la ïoh ban buddien ban pyntreikam ïa ka kam umbam umdih khamtam ha kaba ïadei bad ka skhim Greater water supply kaba shong dor 101 Klur kaban sa pynbiang ïa ka um ha
U bah Mayralborn u la ai khublei ïa ka Shnong Umshangling kaba la shah sngewbha ban shah bret niut ha ka Shnong jong ki.
Kane ka campaign ka long ka campaign ban pynkynmaw lane ban kyrsiew thiah ba ngi dei ban long kiba kit khlieh ha kaba ïa dei bad ka khuid ka suba ha kaba na ka liang ka sorkar pdeng ka ïaleh shitom ban nang pynshlur ïa ki paidbah ba long kiba kitkhlieh khnang ban lah ban wan rah ïa ka jingkhuid ha ki Shnong ki thaw.
