Nongpoh, Nailur, 28: Ki Pulit ka Umïam ha ka noh phai sngi Sngi u Blei ki la lah ban ïoh sei ïa kawei ka met u briew ba la ïap ngam jyllop ha Pung Umïam ha ki bynta jong ka Lad Umroi, kaba dei hadien ba u la leit jngi ha katei ka pung kaba la poi sha u pud ka jingïap na ka daw ka jjngleit jngi ha ka jingbuaid.
Ïa ka met une u rangbah la lah ban ithuh da ka jingdon u hymmen jongu u Bah Raphael Pyrbot uba la ïathuh ba une u para jongu u la leit jngi ha katei ka pung umïam kaba u la don hapdeng ka jingbuaid.
Une u briew ba la ïap ngam jyllop ha katei ka pung Umïam la tip kyrteng kum u Vicky Pyrbot.
Kane ka jinglap ïa ka met ka dei ruh hadien ba ka la per ha sla um bad na ka liang ki Pulit ki sei noh ïa ka met jong u mynta ka janmiet.
Ki Pulit hadien ba la dep sei ïa ka met ki la rah noh sha Civil Hospital Nongpoh ban leh ïa ka postmortem examination bad na ka liang ki Pulit ki la pynlong ruh ïa ka jingtohkit kaba kham bniah halor kane ka jingjia kiba dei katkum ka lynti ka aiñ.
