Jop ka Saiñdur Mihmyntdu bad Youth Welfare Iooksi SC ha ka 3rd Division, ka Luti Tuber Social Welfare ha ka 2nd Division

Jowai, Nailur 02: Ka jingïalehkai phubol bala pynïaid da ka West Jaiñtia District Sports Association (WJDSA) kaba la long mynta ka sngi 2 tarik u Nailur haki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division hapdeng ka Lumsliarsliar Mupliang bad ka Lumchyrmang Mihmyntdu kila poi sha ka jingïakhaid da mar shikol (1-1). Ïa ka kol na ka Lumsliarsliar Mupliang la thep da u Powerful Ryngkhlem haka minit ba 25. Ïa ka shikol na ka Lumchyrmang Mihmyntdu la thep da u Wompher Chyrmang haka minit ba 51.
Ha ka jingïakhun kaba ar ka Saiñdur Mihmyntdu kala pynliem da 1-0 kol ïa ka Lion Social & Cultural SC, ïa katei ka shikol na ka Saiñdur Mihmyntdu la thep da u Wanlambha Pongrup haka minit ba 33.
Katba haka jingïakhun kaba lai ka Youth Welfare Iooksi SC kala pynliem da 2-1 kol ïa ka Tpep-Pale, ïa ki kol na ka Youth Welfare Iooksi SC la thep marwei da u Sammaia Sumer haka minit ba 6 & 56. Katba ïa ka shikol na ka Tpep-Pale la kum thep bakla da u Nangtei Sumer (own goal) haka minit ba 70+1.
Haba phai sha ka jingïakhun jong ka 2nd Division hapdeng ka Luti Tuber Social Welfare kala pynliem da 5-0 kol ïa ka Umlangchor Mukhla. Ïa kitei ki kol na ka Luti Tuber Social Welfare la thep da u Kynsai War haka minit ba 46 & 75, u Medaya Dhar haka minit ba 55, u Iohbhah War haka minit ba 77 bad u Wyrchar Dhar haka minit ba 80+1.