Jowai, Naitung 25: Ka lympung ïalehkai phutbol 2nd Division League Stage 2025 bala pynïaid da ka East Jaiñtia Hills District Football Association (EJHDFA) kaba la long mynta ka sngi 25 tarik ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Umlyngsha Youth SSC kala jop da 3-0 kol ïa ka Wapung Shnong SSC, ïa kitei ki kol na ka Umlyngsha Youth SSC la thep da u Seibor Syrti haka minit ba 52, u Kamni Rupsi haka minit ba 58 bad u Daplin Lamare haka minit ba 74.
Ha ka jingïakhun kaba ar ka Tuberkmaishnong SSC kala jop da 5-1 kol ïa ka Moopynieng SCSO, ïa ki kol na ka Tuberkmaishnong SSC la thep da u Samewanki Ryngkhlem haka minit ba 12, 72 & 81, u Arnes Ryngkhlem haka minit ba 32 bad u Coming Dkhar haka minit ba 72. Ïa ka shikol na ka Moopynieng SCSO la thep da u Aron Rymbai haka minit ba 34.
Katba ha ka jingïakhun kaba lai ka Khliehriat East YWSC kala jop da 3-1 kol ïa ka Lumshken SC, ïa ki kol na ka Khliehriat East YWSC la thep da u Kobar S Swer haka minit ba 19, u Silvester Shylla haka minit ba 37 bad u Remitre Lyngdoh haka minit ba 73. Ïa ka shikol na ka Lumshken SC la thep da u Yoowest Khaïi haka minit ba 57.
La pyntip ba ka jingïakhun kan bteng lashai ka sngi 26 tarik u Naitung ha ki lai tylli ki jingïakhun.
