Jowai, Naitung 18: Ka lyngpung ïalehkai phubol jong ka kyrdan 3rd Division 2025 League Stage, bala pynïaid daka East Jaiñtia Hills District Football Association (EJHDFA) mynta ka sngi saitjaiñ 18 tarik ha madan Artificial Turf Diengshynrum, Khlie
hriat East Jaiñtia Hills District.
Haka jingïakhun jong ka Round-16 mynta ka sngi ha ka jingïakhun kaba nyngkong ka Umrasiang United SC kala jop da 2-0 kol ïaka Moolang SC, ïa ki kol na ka Umrasiang United SC la thep da u Shining Rymbai haka minit ba 38 bad u Jen Rymbai haka minit ba 47.
Katba ha ka jingïakhun kaba ar hapdeng ka Suchen Lumiarain SC pyrshah ïa ka Rymbai Pohskur SC kila poi sha ka jingïakhaid khlem don kiba ïoh ban thep kol haduh ba kut ka por ïakhun, kumta ha hap ban pynïakhun da ka Tie Breaker ha kaba ka kynhun Suchen Lumiarain SC kala jop da 4-3 kol ïaka Rymbai Pohskur SC.
Lyngba kane ka jingjop jong ka Umrasiang United SC bad ka Suchen Lumiarain SC kila ïoh ban rung sha ka Quarter Final jong kane ka lympung 3rd Division.
La pyntip ba ka jingïakhun kan bteng biang ha ka 24 tarik u Naitung ha ki ar tylli ki jingïakhun.
