Jowai, Lber 27: U CEM ka JHADC u ma Thombor Shiwat haka kynta kylli jingkylli ula jubab ba ym pat don ka jingai NOC ban leh ïa ka Survey na ka bynta ban shna lynti Rail hapoh Ri-Lum Jaiñtia.
Ïa kane ka jingkylli la buh da ka MDC jong ka 28-Narpuh ka kong Deivipaia T. Tongper, halor ka jingwan leh survey ïa ka lynti Rail ha Lumshnong ha ki snem bala dep, u ma Thombor Shiwat haba jubab ïa kane ula ong haduh mynta kam pat don kano kano ka jingtip kaba poi shapoh ka Council lane pan ban leh ïaka survey.
Shuh shuh ka kong Deivipaia kala buh jingkylli haduh katno tylli ki Cement Plant kiba don hapoh ka Elaka Narpuh; la ïoh jubab na u CEM ki don haduh saw (4) tylli”. Kala kylli ka Council ka buh ne em ïa ki kyndon treikam jong ki haka NOC; la jubab haoid ki don ïa ki kyndon treikam bala buh.
Ha kaba ïadei bad ka Khliehriat Town Committee la jubab da u EM i/c ma M.M Swer ba kane ka Committee kala duhnoh naduh u snem 2017 namar ba kam lah ban pynmih Fund nalade, wat na ka liang ka Council ruh kam lah shuhban ai jingïarap.
