Ki polisi ba la kyrshan da ka saïan kiba kham duna ka jingma na ka jingdih duma ha ri India

Shillong, Lber : U Frederic De Wilde, President ka SSEA, CIS & MEA Region, PMI, u la pynpaw ïa ka jingdonkam ban pynkylla ïa ki kyndon bad ka jingpynwandur thymmai jong ka saïan ban pynrung ïa ki lad ki lynti kiba khlem jingma na ka bynta ki briew.
“Ka jingeh kaba nyngkong eh na ka bynta kano kano ka karkhana kaba dang kiew ka dei ka jingpynbeit ryntih. Ngi dang sakhi ïa ka jingkylla ha ka pyrthei ha ka liang ka duma, bad ka saïan bad ka teknoloji ki pynkylla dur biang ïa ka rukom treikam jong kane ka kam,” u la ong.
Hynrei u la ong ban thaw ïa ka jingktah kaba jrong, ka karkhana ka donkam ïa ki polisi kiba pynpaw ïa ki jingshisha jong kane ka juk bad ka jingpynwandur thymmai. Kane kan pynshlur ruh ïa ka jingpynkylla thymmai, ka jingkylla ha ka karkhana, bad ka jingroi kaba la pynlong da ka jingbei tyngka na ka bynta ka mariang jong u duma baroh kawei, da kaba pynlong ïa ka India kum ka paralok kaba kongsan ha ka pyrthei baroh kawei.
Haba kren ha ka jingïalang, u De Wilde u la pynpaw kumno ka jingshim rai bad ki kyndon ba la ïalam da ka saïan ki pynkylla ïa ka tnad bad plie lad kamai thymmai. U la ban jur ba ha kylleng ki karkhana bapher bapher, kata naduh ka bording ba lah ban pynthymmai haduh ka pisa digital, ki ri kiba la pynthymmai ïa ki rukom pynïaid ki la ïohi ïa ka jingkiew kaba stet ha ka ïoh ka kot bad ka jinglong kaba khlaiñ ha ka pyrthei.
Haba pyrkhat shaphang ka jingkylla jong ka PMI, u De Wilde u la ong, “20 snem mynshwa, ka kompeni ka la sdang ban pyrkhat biang ïa ka bynta jong ka ha ka kam shna duma, da kaba ithuh ba ki jingdonkam jong ki nongthied bad ki jingkiew ha ka science ki dawa ïa ka jingkylla.
“Ngi la ithuh kloi ba ka jingthang ka dei ka daw ba kongsan jong ka jingma ha ka jingdih duma bad ngi la pynleit jingmut ha ka jingwad bniah bad jingpynwandur jong ngi ban pynduh ïa ka. Ngi la bei tyngka $14 billion ha ka science, jingwad bniah, bad ki jing pyrshang khaïi ban kyntiew ïa ka jingpynwandur bad pynsngewthuh shaphang ki lad ki lynti kiba kham duna ka jingma,” u la bynrap shuh shuh.