Nongpoh, K’Lyngkot, 31: Sa khyndai ngut ki kyrtong ki la pyndep ïa ka jingthep kyrteng ha ka sngi Thohdieng ha Ri-Bhoi District na ka bynta ka elekshon MDC ka ban long haka 21 tarik u bnai Rymphang 2025.
Ki kyrtong ba thep kyrteng ki long u Bah George B Lyngdoh kyrtong shimet na Umroi Constituency, 5 ngut na ka party UDP ba kynthup ïa u Bah Balajied Ranee na Nongpoh Constituency, Bah Lee Bareh na Jirang Constituency, Bah Eddie G Kharbani na Umsning Constituency, Bah James Sylliang na Mawhati Constituency, ka Samla Naphishisha Marweiñ na Umroi Constituency.
Ha kane ka juh ka sngi lai ngut ki kyrtong na ka seng NPP kiba la pyndep ïa ka jingthep kyrteng ki kynthup ïa u Bah Sosthenes Sohtun na Jirang Constituency, Kong Rona Khymdeit na Nongpoh Constituency, bad ka kong Macdalyne S Mawlong na Umsning Constituency.
Baroh ki kyrtong ki la pynpaw ba ki don ka jingkyrmen kaba skhem ban jop ha kane ka elekshon ban wan ryngkat shibun ki thong bad ki jingangnud ha kaba ïadei ki kam jong ka District Council.
