Nongpoh, K’Lyngkot 06: U Dr. W. R Kharlukhi, MP ka Rajya Sabha, mynta ka sngi u la leit ban plie paidbah noh ïa artylli ki surok kiba dang shu dep ban siang rong thymmai ba kynthup ïa u surok Umïarong sha Lawbyrwa u ba pynïasoh ïa u surok naka shnong Sumer sha Kyrdemkulai ba don kumba 750-meter ka jingjrong bad u surok uba pynïasoh ïaka shnong Lawbyrwa bad ka dong Mawnai bad don kumba 585 meter haka jinglut kaba ?1.37 crore.
Ha katei ka sngi plie paidbah la ïa donlang ruh da u bah R. Kharkrang, rangbah shnong Lawbyrwa, Bah D. Laloo, Executive Engineer, PWD Roads, Umsning Division, u Dr. C.R. Lyngdoh, Co-Chairman of Meghalaya Infratech Consultancy & Innovations Limited lem bad kiwei kiwei.
Haba kren ha katei ka jingïalang plie paidbah u MP ka Rajya Sabha u Dr. WR Kharlukhi u la pynpaw ïaka jingkmen ban don bynta bad bad ki nongshong shnong jong kane ka thaiñ bad lyngba ka jinglah ban plie noh ïa une u surok kaba dei ruh kawei naki kam pynroi kan long shisha ka jingmyntoi kaba khraw ïa ki paidbah nongshong shnong ban pynsuk ïaka leit ka wan jong ki paidbah.
