Shillong, Kyllalyngkot 03: Ka jingïalang ha pdeng ka KHADC, ki Khlieh Nongsynshar bad Dorbar Kur kaba la buh ban long ha ka 11 tarik mynta u bnai la pynkynriah sha ka 18/Kyllalyngkot/2025 ka ban long ha Madan Polo.
Ha kane ka jingïalang na ka liang jong ka KHADC kala khot ïa u Lat ka jylla, u Symbud Myntri Rangbah ka jylla ba dei peit ïa ka District Council ban ïa don lang ha kane ka jingïalang kaba la pynbeit da ka KHADC.
Ha kane ka jingïalang la khot ïa baroh ki khlieh nongsynshar, ki dorbar kur ban ïa poi lang ha katei ka jingïalang kaba kyrpang ban pynshai paidbah halor ki lai tylli ki aiñ kiba la ïoh ïa ka jingmynjur na u Lat ka jylla kaba dei bad ka kam hima sima bad ban pynkhlaiñ ïa ki Dorbar Kur.
Ha kaba sdang ïa kane ka jingïalang la buh nyngkong ba kan long ha ka 14/Nohprah/2024 na ki daw kiba ym lah ban kiar la rah sha ka 11/Kyllalyngkot/ 2025, halor kane ka juh phang la rah biang ïa ka jingïalang sha ka 18/01/2025.
