Pynbna u Chancellor ban ai pule ei ïa ki khynnah bad ki samla na ki shnong ba marjan

Shillong, K’lyngkot 3 : Kum shibynta jong ka jinglehkmen ïa ka jingwan u snem thymmai 2025, ka University of Science & Technology Meghalaya (USTM), ka la pynbna ban ai sngewbha snem thymmai ïa ki khynnah bad ki samla na ki shnong ba marjan ba kin ïoh ïa ka lad ban ïoh pule ei hapoh ka University.
ïa kane la pynbna da u Chancellor ka USTM Mahbubul Hoque ha ka step sngi Balang hakhmat ki spah ngut ki nongshong shnong ka thaiñ kynthup ki Khynnah, ki samla, ki longkmie bad ki rangbah na ki shnong ba marjan ka University, kiba la wan sha kane ka skulbah ban ai jingkyrkhu na ka bynta u snem thymmai 2025.
Nalor kane, ula kular ruh ban ïarap ha kaban ai jingkyrshan ïa ki longïing ka thaiñ kiba kwah ban sengkam sengjam, haba ban biang sa shisien ïa ka jingthmu jong ka skulbah ban wanrah ïa ka roi ka par kaba kyllum ïa baroh hapoh ka thaiñ.
Ula kren ruh halor ka jingkongsan ka pule dangle bad kyrpad ïa ki kmie kpa ban pynthikna ba ki Khun ki dei ban ïoh ïa ka pule ka dangle bad ka skul kaba thikna.
Kane ka jinglehkmen ka long kaba shongshit da ki jingrwai nala tynrai, ki jingshad, ki jingïaid paidbah, bad ka jingieid kaba tehsong ïa ka jingïalong kawei hapdeng ki nongshong shnong.
`U Vice Chancellor Prof GD Sharma haba ai jingkren ha ka jingïalang, ula ïaroh ïa ka jingïadon bynta lang jong ki shnong ki thaw bad ban jur ïa ka jingdonkam ka jingïatreilang hapdeng ka skulbah bad ki marjan marpa ha kaban kynjoh ïa ka thong jong ka roi ka par.Ula ïai ban ïa ka jingaiti jong ka USTM ban wanran ïa ka jingkylla ha ka thaiñ lyngba ka pule dangle bad ka ïoh ka kot.
Ha kane ka jinglehkmen la wan ïashimbynta ruh da ki samla pule bad ki dkhot jong kane ka skulbah. ïa kane ka jingleh kmen la pynwai da ka jingïalang duwai happh ka phyllaw ka Central Auditorium.