Nongpoh Nongpoh, 09: Ka Ophis ka District Employment Exchange, Ri Bhoi District, Nongpoh kan pynlong ïa ka Registration Mela cum Job Fair na ka bynta ki samla wad kam jong ka Ri Bhoi District ha ka 17 tarik mynta u bnai 2024, ha District Library Nongpoh. Ki samla wad kam ba la don 18 snem haduh 32 snem ki lah ban wan shim bynta.
Ki samla ba la register bad ka Employment Exchange Ri Bhoi, ki dei ban wanrah ka Registration card jong ka Employment Exchange bad ki samla wad kam ki bym pat register ki dei ban wan rah ïa ki original bad photocopy lane Xerox jong ki Epic, Aadhar, ST/SC certificate, Qualification bad Training Certificate, Marksheets bad ka Admit Card Matric ryngkat ki Xerox copy jong baroh ki kot ki sla. Sngewbha ban scan ïa u QR CODE na ka bynta ban pyntikna ïa ka jingwan jong ki.
