Shillong, Naiwieng, 14: Ka NEHU Non-Teaching Staff Association (NEHUNSA) kaba dei ka shatri jong ki nongtrei ka skulbah NEHU ha ka sngi Palei ka la pynbna da ka Non-Cooperation Movement pyrshah ïa u Vice Chancellor u Prabha Shankar Shukla da ka jingai jingmut jong ki samla pule ka skulbah NEHU kiba dang ïai bteng ïa ka jingshah thngan haduh mynta la khyndai sngi kynthih.
“Ngi kyrpad ïa ka Prof. S.M Sungoh bad ïa ka Prof. Fameline K Marak ban ym pdiang ïa ka shithi thungkam (kum ki Pro Vice-Chancellor na ka bynta ka Shillong bad ka Tura namarba kane ka dei ka jingpyrshang saiñ buit jong u Vice Chancellor ban ïada ïa la ka jong ka shuki,” la ong u President jong ka Association u Dr W.R Synrem ha u kyrwoh ba la pynmih ha ka sngi Palei.
U la pyntip ba ka NEHUNSA ka la shim ïa ka rai ba baroh ki dkhot jong ka kynhun kim dei ban ïashim bynta ha kino kino ki jingïalang, ki jingbthah, ki rai ba la pynmih da u Prof. Prabha Shankar Shukla, u Vice Chancellor jong ka NEHU.
“Ka NEHUNSA ka la bthah ïa baroh ki nonghikai kiba bat ïa ki kam hapoh ka ophis kum u Assistant Registrar In-charge ba un kohnguh ïa ka rai ba la shim da ka NEHUNSA,” u la ong.
